Siglir tar il cuntegn
Inhalt

Naziunal/Internaziunal FCB na lascha nagina schanza a Lucerna

Suenter duas terradas en seria ha il campiun svizzer Basilea puspè gudagnà in gieu dal campiunadi svizzer. Suenter ch'il FCB aveva pers encunter GC e Son Gagl ha il campiun battì oz Lucerna cler cun 3:0. Bjarnason, Callà ed Elneny han sajettà gia en las emprimas 32 minutas ils gols.

Suenter duas terradas gudogna il campiun svizzer puspè cler cun 3:0.
Legenda: Suenter duas terradas gudogna il campiun svizzer puspè cler cun 3:0. Keystone

E per ina pitschna surpraisa procura il FC Thun ch'è stà giast tar il FC Sion. Cun nizzegiar in grond sbagl da Sion marca Thun en la 90avla minuta anc il gol che maina a la victoria da 2:1.

GC declassescha il FCZ

Ils Grasshoppers han declassà en il derbi turitgais il FCZ cun 5:0. Da pausa stevi be anc 1:0 per GC suenter il gol da Dabbur en la 15avla minuta. En la segunda mesadad han ils Grasshoppers dentant fatg tut cler cun trais ulteriurs gols aifer 13 minutas. En il temp supplementar ha lura anc Kallström sajettà l’ultim gol da la partida per GC al 5:0.

Sportissimo 17:00