Siglir tar il cuntegn

Naziunal/Internaziunal FC Turitg gudogna la cuppa svizra

Il club da ballape da Turitg gudogna en il Wankdorf a Berna cunter il campiun svizzer YB cun 2:1. Uschia gudognan ils Turitgais en la 11avla partida da final il 10avel titel.

Ils giugaders dal FCZ sa legran cun il buccal sur da la 10avla victoria dal FCZ en la cuppa svizra.
Legenda: Ils giugaders dal FCZ sa legran cun il buccal sur da la 10avla victoria dal FCZ en la cuppa svizra. Keystone

Malgrà che YB ha pudì giugar 20 minutas cun in um dapli n’han ils Bernais betg pudì egualisar la partida. Michael Frey dal FCZ ch’è oriunds da Berna ha marcà l’emprim gol en la 11avla minuta, el aveva stuì bandunar YB la stad passada. Antonio Marchesano ha alura marcà il gol decisiv per il club da ballape da Turitg en la 74avla minuta. Ad YB èsi alura anc reussì 10 minutas avant la fin da marcar il 1:2 tras Miralem Sulejmani.

Nagin dubel per YB

Uschia impedescha l’FC Turitg ad YB ed al trenader Adi Hütter da gudagnar il dubel. Cun la victoria avess il trenader che midà sin proxima stagiun en la Bundesliga tar Eintracht Frankfurt purtà suenter 60 onns puspè omadus buccals en la chapitala Svizra.

RR novitads 16:00