Siglir tar il cuntegn

Naziunal/Internaziunal FC Sevilla è sin via en il mez-final

Il FC Sevilla ch’ha eliminà Basilea è sin buna via en il mez-final da l’Europa League. Il victur dals ultims dus onn ha gudagnà ses emprim gieu dal 4-final tar Athletic Bilbaso cun 2:1. L’um dal gieu per ils Spagnol è stà Iborra cun ses gol en l’83avla minuta.

3 giugaders cumbattan per il bal.
Legenda: Oscar de Marcos (san.) cumbatta per il bal cunter Steven N'Zonzi. Keystone

Ina victoria ha quai er dà per Schachtar Donezk. Ils Ucranais han battì Braga cun 2:1. Dortmund ha giugà a chasa in pari dad 1:1 cunter Liverpool. La partida era vegnida spetgada cun brama, tranter auter er perquai ch'il trenader da Liverpool Jörgen Klopp è turnà per ina giada en ses stadion d'antruras. Villarreal ha battì Sparta Prag avant public da chasa cun 2:1.

RR novitads 06:00