FC Bienna declera il concurs

Il club da ballape da Bienna fa concurs e stat uschia definitivamain avant la fin. Cunquai reaghescha il president Carlo Häfeli sin la decisiun da la federaziun da ballape svizra che Bienna na dastga betg giugar en la Promotion League.

vista tras ina porta da vaider en il stadion da ballape da Bienna

Legenda da maletgs: Malgrà la passiun per il ballape - il mument è l'avegnir dal FC Bienna intschert. Keystone

En consequenza da quai manchian las premissas per ina sanaziun, uschia scriva Häfeli en ses scriver a la dretgira regiunala Giura bernais-regiun dal Lai da Bienna. Il president dat si ses cumbat per salvar il club da ballape.

Daivets da plirs tschientmilli francs

L'FC Bienna ha daivets da 300'000 francs, vitiers vegnan pretensiuns dispitaivlas en l'autezza da 500'000 francs. Plinavant spetgan ils giugiaders dapi il schaner sin lur pajais.

La fin d'avrigl ha la Federaziun svizra da ballape retratg la licenza per la Challenge League per immediat. Cunquai che l'FC Bienna na po uss era betg sa participar a la terz'auta liga da ballape svizra è la FC Bienna Football SA a fin.

RR novitads 10:00