Siglir tar il cuntegn

Header

cuntegn

Naziunal/Internaziunal FC Basilea – en la Champions League puspè cunter ManU

Sper tut ils titels da campiun svizzer da ballape restan er las sairas da ballape da la Champions League en buna memoria als fans da Basilea. Oz datti in’ulteriura.

audio
Saira: Prevista FC Basilea cunter Manchester United
ord Actualitad dals 12.09.2017.
laschar ir. Durada: 4 minutas 59 Secundas.

Cun il nov millenni ed il nov stadion St. Jakob Park è turnà tar il FC Basilea il success. Dapi l’onn 2002 ha Basilea festivà dudesch giadas il titel da campiun. Ils davos otg onns è Basilea stà campiun da seria. Sper ils success sin livel naziunal ha la meglra equipa svizra adina puspè procurà per puncts culminants sin livel europeic. Ils pli gronds merits ha Basilea gì cunter equipas englaisas. Il campiun svizzer ha per exempel battì ils davos onns Manchester United sco era Chelsea.

Nova emprova

Questa saira dat Basilea l’emprima partida da gruppa da la Champions League e quai puspè cunter Manchester. Las premissas èn oz dentant tut autras che tar il davos success l’onn 2011. Basilea è partì mal en il nov campiunadi. Sut il nov trenader Raphael Wicky ha Basilea pers duas giadas e dà pari duas giadas. Tut auter vesa quai ora tar Manchester United e ses trenader José Mourinho. Manchester è leader e Mourinho vul puspè in grond titel.

RR actualitad 17:00

Artitgels legids il pli savens