Siglir tar il cuntegn

Naziunal/Internaziunal FBC frunta sin anteriur trenader Paulo Sousa

Il club da ballape da Basilea frunta en ils gieus da gruppa da l’Europa League tranter auter sin Fiorentina, il club da ses anteriur trenader Paulo Sousa. Il Portugais aveva manà Basilea la stagiun passada al titel da campiun svizzer.

Urs Fischer e Paulo Sousa.
Legenda: Urs Fischer (san.) frunta sin ses antecessur Paulo Sousa. EQ Images

Plinavant dat Basilea cunter Belenenses Lissabon ed il club polac Lech Posnan che Basilea aveva battì dacurt en la qualificaziun da la Champions League.

Enconuschents èn er ils adversaris dal FC Sion. Il victur da la cuppa svizra dat en l’Europa League cunter Rubin Kasan da la Russia, Liverpool e Bordeaux. La sort per las gruppas da la Europa League è vegnida tratga a Monaco.

RR novitads 14:00

Al campiunadi mundial d’atletica leva a Beijing/Peking è la curridra svizra Noëmi Zbären en il final dals 100 meters sur obstachels. Zbären è vegnida terza en ses mezfinals, è dentant sa qualifitgada grazia al bun temp da 12,81 secundas. Noëmi Zbären è l’emprima svizra ch’è sa qualifitgada a Beijing per in final. Il final è oz suentermezdi a las trais e 35 temp svizzer.