Siglir tar il cuntegn
Inhalt

Naziunal/Internaziunal Fanny Smith triumfescha a la cursa da skicross

Fanny Smith ha festivà sia 12avla victoria da la cuppa mundiala da skicross a Montafon en l'Austria. La sportista da 25 onns dal chantun Vad ha uschia pudì far l'emprima giada il pass sin il podest en questa stagiun.

Quatter skiunz durant la cursa dal skicross.
Legenda: I è il 25avel plaz sin il podest da la cuppa mundiala da Fanny Smith. Keystone

La romanda ha gudagnà il final da la cursa en il Montafon en in fotofinish encunter la tudestga Heidi Zacher. Terza è la campiunessa mundiala da la Svezia Sandra Näslund. Ella aveva gudagnà las emprimas duas cursas da la stagiun.

Discletg per la Bernaisa Sanna Lüdi

La Bernaisa che aveva dacurt dà ses comeback suenter sia blessura vid in schanugl è cupitgada curt suenter la partenza dal quartfinal.

Umens n'han betg pudì perschuader

Tar ils umens n'èn nagins Svizzers vegnì pli lunsch ch'ils quartfinals. Meglier svizzer è daventà il Grischun Alex Fiva sco 9avel. Gudagnà ha il Russ Sergej Ridsik.

RR novitads 12:00