Siglir tar il cuntegn

Header

Navigaziun

Impressiun dal lieu da cursa a Falun en Svezia.
Legenda: Per la Svizra van a la partenza Gianluca Cologna, Jovian Hediger, Ueli Schnider e Laurien van der Graaff. RTR, U. Lechmann
cuntegn

Naziunal/Internaziunal Falun - Ils sprinters dattan l‘entschatta

En l’emprima cursa al campiunadi mundial da passlung a Falun en Svezia cumbattan ils sprinters per las emprimas medaglias. Per la Svizra èn da la partida il curridurs Gianluca Cologna, Jovian Hediger e Ueli Schnider.

Per il Jauer Gianluca Cologna è il sprint classic atgnamain la disciplina preferida. L’emprova generala ad Östersund n’è betg grategiada. Cologna di dentant ch’el sa sentia bain ed il tschancun da cursa a Falun saja fitg differents a quel dad Östersund.

Laurin van der Graaff - la sueletta dunna svizra

Tar las dunnas è cun Laurien van der Graaff mo ina Svizra a la partenza. Il sprint classic n’è betg sia disciplina preferida, ella curra pli gugent el stil liber. Sia finamira è perquai da sa qualifitgar per ils quart finals.