Siglir tar il cuntegn
Inhalt

Naziunal/Internaziunal Fabio Celestini n'è betg pli trenader da Losanna

La suprastanza dal club da ballape ha prendì questa decisiun curt suenter la terrada da 0:1 cunter Lucerna – la terza terrada en seria.

Fabio Celestini durant il gieu cunter Lucerna che Lausanne Sport ha pers 0:1.
Legenda: Fabio Celestini durant il gieu cunter Lucerna che Lausanne Sport ha pers 0:1. Keystone

Losanna sa chatta a la cua da la tabella, ensemen cun Sion. Celestini duai anc star a disposiziun al club fin la fin da ses contract il zercladur dal 2019, dentant betg pli per la lavur cun l'emprima equipa. Ensemen cun Fabio Celestini ha Lausanne Sport er relaschà intgins commembers da l'equipa tecnica.

128 gieus per Losanna

Fabio Celestini aveva surpiglià il club l'onn 2015 en la Challenge League e manà quel la proxima stagiun en la Super League. Sez ha el giugà dapi 1995 tschintg stagiuns e 128 gieus per Losanna ed a la fin da sia carriera activa anc ina giada la stagiun 2010/2011.

La proxima giada gioga Lausanne Sport la dumengia a Berna cunter l'emprim da la tabella, ils Young Boys.

RR novitads 06:00