Siglir tar il cuntegn

Naziunal/Internaziunal Fabio Aru gudogna la 5avla etappa

Il campiun talian Fabio Aru gudogna la 5avla etappa l’emprima cun muntognas. Il favurit per il classament general il Brit Chris Froome po gia sa vestgir cun il tricot dal leader.

Fabio Aru en il tricot da puncts.
Legenda: Il victur dad oz Fabio Aru po era gist purtar il tricot da puncts sco meglier ciclist da muntogna. Keystone

Il talian Fabio Aru gudogna la 5avla etappa dal Tour de France. Segund è vegnì l'Irlandais Daniel Martin cun in retard da 16 secundas. Terz è vegnì Chris Froome. Ils ultims kilometers avant la fin ha il campiun talian attatgà ed el è vegni onurà cun la victoria. Uschia po Aru era gist purtar il tricot cun puncts dal meglier ciclist da muntogna.

Il favurit porta gia il tricot mellen

Ina midada en il classament general era spetgada. Ed era che Froome porta uss quest tricot mellen n’è nagina surpraisa. Ma tut ils favurits per la victoria en il classament general èn il mument classads entaifer ils megliers 10. Meglier Svizzer en il classament general è il mument Mathias Frank sin plazza 27.

Ils dus gronds protagonists da l’etappa dad ier Peter Sagan e Mark Cavendish n’han betg pudì partir a l’etappa dad oz. Sagan resta disqualifitgads e Cavendish è blessà.

RR novitads 18:00