Siglir tar il cuntegn

Header

cuntegn

Naziunal/Internaziunal EV Zug vul in farmteam

Il Team "EVZ Academy" duai esser in pass intermediar per giugaders sut 23 onns sin lur via en la liga naziunala A.

L'EV Zug ha inoltrà a la Federaziun svizra da hockey sin glatsch ina dumonda per in uschenumnà «farmteam» en la liga naziunala B. Il team planisà duai purtar il num «EVZ Academy». Cumenzar il campiunadi vul ins gia la stagiun proxima.

Il team EVZ Academy è patratgà per giugaders che na dumognan betg il pass dals juniors directamain en la liga naziunala A.

A giugar en quest nov team duain tenor communicaziun unicamain giugaders sut 23 onns. Cun quest concept sajan ins persvadì dad esser attractiv per giugaders giuvens. Il project è finanzialmain garantì enfin il 2020. Il club quinta cun 1,3 milliuns francs expensas supplementaras. La Federaziun svizra da hockey sin glatsch vul decider davart la dumonda fin il schaner 2016.

RR novitads 12:00

Artitgels legids il pli savens