Siglir tar il cuntegn

Header

Navigaziun

equipa da ballape rumantscha
Legenda: L'equipa rumantscha da l'ultima Europeada, il 2012 a Lausitz. Keystone
cuntegn

Naziunal/Internaziunal Europeada 2016: Rumantschs cunter Roma e Karatschai-Balkars

Suenter ch'ins ha tratg a Paris la sort per l'EURO 2016 da ballape è vegnì tratg a Bulsaun en il Tirol dal sid la sort per l'Europeada 2016. L'equipa rumantscha frunta en ils gieus da gruppa sin las equipas dals Roma, dals Karatschai-Balkars ord la Russia ed in'equipa da minoritads da l'Estonia.

Per l'emprima giada datti er in turnier per dunnas. Las Rumantschas dattan encunter in'equipa da Tudestgas en Russia ed encunter las Ladinas da las Dolomitas.

L'Europeada 2016 è il medem temp sco l'EURO dals profis en Frantscha. Giugà vegn en differents lieus da la Val de Puster e la Val Badia en il Tirol dal sid. Igl è la terza ediziun da l'Europeada, l'emprima è stada il 2008 en il Grischun.

RR novitads 16:00