L'emprim gol per ManU sajetta Paul Pogba en la 18avla minuta, cun in sajet da distanza che vegn anc svià. 3 minutas suenter la pausa augmenta Henrich Mchitarjan a moda acrobatica sin 2:0. Da l'autra vart a Ajax Amsterdam strusch pudì crear situaziuns privlusas avant il gol da ManU.
Legenda:
Pogba (dretg) e Mchitarjan, quels dus han sajettà ils gols per Manchester United.
Keystone
Confiert per ina povra stagiun
Questa victoria en il final da la Europa League porta a Manchester United era la qualificaziun per la Champions League. La stagiun da la Premier-League n'era numnadamain insumma betg gartegiada, cun la finala mo cuntanscher plazza 6.
Manchester United è pir il tschintgavel club suenter Juventus, Ajax, Bayern e Chelsea che po gudagnar tuts trais titels europeics: Champions League, Europa League ed il pocal d'Europa dals victurs da pocal.
RR novitads 23:00