Siglir tar il cuntegn

Header

cuntegn

Naziunal/Internaziunal Europa League: GC vinavant, Lucerna out

Entant ch'ils Grasshoppers sa qualifitgeschan grazia a Caio per ils playoffs, è il siemi da l'Europa League a fin per Lucerna.

En la terza runda da la qualificaziun per l'Europa League èn questa saira er duas squadras svizras stadas en acziun:

Ils Grasshoppers sa qualifitgeschan per ils playoffs da la Europa League. Quai però in extremis cun in pari da 3:3 suenter prolungaziun ordaifer cunter Apollon Limassol da la Cipra. En la 121avla minuta ha il Brasilian Caio fatg il gol decisiv per la squadra turitgaisa. Suenter radund 100 minutas manavan ils Cipriots anc cun 3:1.

L'emprim gieu a chasa aveva GC gudagnà cun 2:1. Il proxim adversari dals Grasshoppers decida la sort quest venderdi a Nyon. Medemamain sa qualifitgà per ils playoffs è gia mesemna saira YB cun ina victoria cunter Schachtar Donezk. Quai suenter sajettar penaltis.

Sassuolo - Lucerna 3:0

Il FC Lucerna perda percunter ordaifer cunter il club talian US Sassuolo cun 0:3 . Quai cleramain. Ils Talians han dominà la partida. Suenter 38 minutas era Lucerna mo pli en diesch sin il plaz. Suenter in foul en la zona da penalti ha Ricardo Costa survegnì la carta cotschna.

L'emprim gieu è ì a fin pari 1:1 l'emna passada. Uschia è il siemi da l'Europa League a fin per ils Lucernais.

RR novitads 22:00

Artitgels legids il pli savens