En l'Europa League ha il club da ballape da Turitg danovamain giugà in pari cunter Steaua Bukarest. Suenter il 1:1 d'avant duas emnas ha l'FZC giugà gievgia saira a chasa in pari da 0:0. Cunquai resta il cumbat per ils 16avelfinals avert. Duas rundas avant la fin èn tut ils quatter clubs aifer quatter puncts.
YB sto gudagnar
Ordavant avevan ils Young Boys incassà la segunda terrada en il quart gieu da gruppa. Ils Bernais han stuì suttacumber ordaifer als Cipriots APOEL Nikosia cun 0:1. Per sa qualifitgar per la fasa da k.o. sto YB uschia gudagnar il proxim gieu encunter Olympiakos Piräus.
RR novitads 06:00