Siglir tar il cuntegn

Header

Video
Frei schiesst Basel zum Sieg
Or da sportlive dals 07.11.2019.
laschar ir
cuntegn

Europa League Basilea gudogna ed è en il 16avels finals

Il FC Basilea stat definitivamain en la fasa da KO da l'Europa League, gia duas rundas avant la fin da la fasa da gruppa. Il FCB ha uschia realisà l'emprima gronda finamira da la stagiun.

In gol spert da Arthur Cabral en l'otgavla minuta ha manà l'equipa da Marcel Koller sin curs. Curt avant la pausa ha l'equipa spagnola pudì egualisar grazia ad in penalti. La decisiun è lura crudada en la 60avla minuta. Fabian Frei ha sajettà il gol a la victoria. Gia en l'emprim gieu cunter Getafe ha el sajettà il gol da la victoria.

Lugano danovamain senza gol

L'FC Lugano ha giugà in pari da 0:0 cunter Malmö. Malgrà ch'ils Tessinais han dominà n'èsi betg gartegià da sajettar in gol. Cun 2 puncts ord 4 gieus ha Lugano mo anc ina pitschna schanza da vegnir vinavant.

in ballapedist sa desperescha
Legenda: Puspè dasperas. L'FC Lugano ha betg pudî nizzegiar las schanzas. Keystone

YB mantegna la schanza

Er YB ha giugà in pari. Ordaifer cunter Feyenoord Rotterdam hai dà in 1:1 che mantegn als Bernais dentant las schanzas sin la fasa da KO en l'Europa League.

RR novitads 21:00