Suenter Roger Federer è era Stan Wawrinka crudà ord il turnier da tennis a Roma. Wawrinka ha pers l'otgavel final cunter l'Argentin Juan Monaco cun 7:6, 3:6 e 4:6. El ha fatg memia blers sbagls individuals.
Las cundiziuns exteriuras eran in zic pli difficilas uschia che omadus han gì problems cun lur service. En tut ha Wawrinka dà giu ses service tschintg giadas. Per il Svizzer è quai stà l'emprima terrada en il tschintgavel duel cunter Monaco. L'onn passà aveva Wawrinka cuntanschì a Roma il mezfinal.
