Siglir tar il cuntegn

Header

cuntegn

Naziunal/Internaziunal Er Bencic dat forfait per ils gieus olimpics

In di suenter Roger Federer ha er Belinda Bencic annunzià ch'ella stoppia dar forfait per ils gieus olimpics a Rio. Quai pervia mancanza da trenament.

Sia blessura vid la chanvella ch'ella haja dapi Wibledon saja tant sco guarida. La mancanza da trenament sforzia però ella da desister dals gieus olimpics. Ella nizzegia las proximas emnas per sa preparar sin ils turniers a Cincinnati, New Haven ed il US Open, uschia Bencic.

In stritg atras il plan da Swiss Olympic

Cun il forfait da Bencic è Martina Hingis da nov insumma senza partenari/a. Cun Bencic avess ella gì da dar en il gieu dubel. E cun Federer eri planisà che Hingis dettia en il dubel maschadà. Actualmain èn anc Stan Wawrinka, Timea Bacsinszky, Victoria Golubic e Martina Hingis restads dal contingent da 6 giugadurs per Rio.

Tut tenor pudess uss la giuvna giugadura Xenia Knoll puspè daventar in tema. Swiss Olympic sclerescha er sch'in segund um pudess sa participar als gieus olimpics. Il pli probabel fiss Marco Chiudinelli per il gieu dubel cun Wawrinka.

RR novitads 06:00

Artitgels legids il pli savens