Siglir tar il cuntegn

Naziunal/Internaziunal Equipa naziunala survegn rinforzament da la NHL

Curt avant ch'il campiunadi mundial en il Danemarc cumenza, survegn l'equipa naziunala da hockey rinforzament or da la NHL. L'attatgader Nino Niederreiter ed il goalie Reto Berra vegnan da nov en l'equipa da Patrick Fischer.

Nino Niederreiter al puc.
Legenda: Nino Niederreiter al puc. Keystone

Niederreiter, il giugader da Cuira, vegn a vegnir en prest in'emna tar l'equipa, quai pervia che sia equipa, ils Minnesota Wild han pers la partida da quartfinal en ils playoffs. El vegn pia betg pli a pudair sa participar a gieus da preparaziun.

Berra fa davent dad oz mardi part a las preparaziuns per il campiunadi mundial. Uschia po el dar ils dus gieus da preparaziun cunter la Lettonia. Quels èn ils 26 e 27 d'avrigl.

Niederreiter sco era Berra faschevan part da l'equipa naziunala dal 2013. Lura han els gudagnà argient als campiunadis mundials en Svezia.

RR novitads 10:00