Siglir tar il cuntegn
Inhalt

Naziunal/Internaziunal Equipa da hockey svizra U20 perda cunter Svezia

L’equipa naziunala svizra U20 n’ha betg gì in bun start en il turnier mundial. Il team da John Fust ha pers a Helsinki cunter ils Svedais cun 3:8.

Oz n'ha tutta defensiun gidà nagut - la Svezia ha procurà per ina ferma terrada dal team svizzer.
Legenda: Oz n'ha tutta defensiun gidà nagut - la Svezia ha procurà per ina ferma terrada dal team svizzer. Keystone

Suenter paucas secundas ha Tino Kessler pudì attatgar sulet il gol svedais. Il giugader da Tavau ha dentant disditg. Sch’el avess gartegià fiss la partida forsa ida a fin pli pauc displaschaivel.

Uschia dentant han ils Svedais surpiglià la direcziun a partir da la segunda minuta ed èn restads ils dominants per il rest dal gieu.

Ils Svizzers han be pudì far cosmetica da resultats punctuala; els han giugà a moda nundisciplinada – e quai cun damain da giugaders: Kessler ha fatg il 1:2 (18.), Noah Rod il 2:5 (28.) ed anc ina giada Kessler, lura il 3:7 (52).

Roschada da goli suenter mesadad dal gieu

En il gol n’è Gauthier Descloux betg stà la pitga ch’i avess duvrà per batter ils Svedais. Il giugader da 19 onns è vegnì remplazza suenter 33 minutas e sis gols dals Svedais cun Joren van Pottelberghe.

Sportissimo dals 26.12.2015