Siglir tar il cuntegn

Header

Campiunadi mundial da juniors è grategià
Legenda: Campiunadi mundial da juniors è gartegià RTR, Roman Dobler
cuntegn

Engiadin'Ota Il campiunadi mundial da juniors da bob e skeleton e gartegià

Trais dis sport da bob e skeleton dad auta qualitad en il chanal da glatsch da San Murezzan a Schlarigna. Il campiunadi mundial da juniors è istorgia.

L’elita mundial da juniors dal sport da bob e da skeleton è stà durant ils ultims trais dis en Engiadin'Ota. Tar il campiunadi mundial da juniors han var 140 atletas ed atlets cumbattì per medaglias e titels. L’equipa svizra ha mussà ina stupenta prestaziun. Las sportistas ed ils sportists han pudì festivar tschintg medaglias.

Success er sper la bobera

Per garantir il campiunadi mundial da juniors, ch'è sa chapescha vegnì fatg senza public, ha quai vuli bler. Il concept da segirezza dal campiunadi mundial è stà cumplex e restrictiv. Tranter auter han tut las atletas ed atlets, dentant era ils gidanters ed ils voluntaris, stuì ir en ina vaschia, en ina ‘bubble’. Davent da l’entschatta han els stuì preschentar in test da corona negativ, silsuenter èn tuts vegnids testads pliras giadas. Totalmain ha quai da var 1’600 tests da corona. Tuts èn stads negativs.

audio
Damian Gianola fa bilantscha positiva
02:58 min, Actualitad dals 24.01.2021.
laschar ir. Durada: 02:58 minutas.

Occurrenza d’avantatg per tut la regiun

Ils sforzs dals organisar tar in tal campiunadi mundial ha valì tenor il president dal comité d’organisaziun, Damian Gianola, la paina. Mo betg il olimpia bobrun da San Murezzan a Schlarigna profitescha d'ina tala occurrenza, dentant l’entira regiun da l’Engiadin'Ota.

RTR actualitad 17:00

Artitgels legids il pli savens

Scrollar a sanestra Scrollar a dretga