Florence Schelling è la nova scheffa sport tar il SC Berna. La Turitgaisa da 31 onns succeda suenter Pasca ad Alex Chatelain. Il Grischun ch'è dapi il 2015 en questa posiziun surpiglia da nov l'incumbensa dal svilup strategic.
Florence Schelling ch'è stada blers onns goli tar l'equipa naziunala, cumenza cun in pensum da 50 pertschient e vegn ad augmentar quel cuntinuadamain. Sper quai è ella er stada engaschada sco trenadra da l'equipa da da hockey U18 da las dunnas. Per Schelling è quai l'emprim engaschament en in team dad umens.