Siglir tar il cuntegn
Inhalt

Naziunal/Internaziunal En la davosa minuta

Nagut per flaivla gnerva. La Svizra ha gudagnà il gieu da qualificaziun cunter la Slovenia cun 3:2.

scena ord in gieu da ballape
Legenda: Josip Drmic (san.) ha sajettà dus gols per la Svizra. Il segund gol ha sajettà Valentin Stocker (dretg) Keystone

Enfin l'80avla minuta manavan ils giasts anc cun 2:0. Lura han Josip Drmic, Valentin Stocker ed anc ina giada Josip Drminc vulvì il gieu.

En la medema gruppa ha l'Engalterra gudagnà ordaifer cunter San Marino cun 6:0. Grazia a questa victoria è l'Engalterra l'emprima equipa ch'è sa qualifitgada per il campiunadi europeic da ballape l'auter onn en Frantscha.

In grond pass envers la qualificaziun ha era l'Austria fatg cun ina victoria dad 1:0 cunter la Moldavia. L'equipa dal trenader svizzer Marcel Koller è a la testa da la tabella cun 19 puncts avant la Svezia cun 12 puncts.