Emprima victoria per Wendy Holdener

Wendy Holdener ha gudagnà il slalom parallel a Stockholm. En il final ha la skiunza svizra battì l'indigena Frida Hansdotter.

Wendy Holdener gudogna il slalom parallel a Stockholm. Las duas Svedaisas Frida Hansdotter (san.) e Maria Pietila Holmer cumpletteschan il podest.

Legenda da maletgs: Wendy Holdener gudogna il slalom parallel a Stockholm. Las duas Svedaisas Frida Hansdotter (san.) e Maria Pietila Hol... Keystone

Per Holdener è quai l’emprima victoria tar ina cursa da la cuppa mundiala. Questa stagiun ha la skiunza svizra gia pudì persvader pliras giadas. Ma per la victoria n’aveva quai anc betg tansch. Uschia ha ella cuntanschi dasper questa victoria anc ulteriurs trais plaz da podest la stagiun 2015/2016.

Nagina midada en il classament general

En il classament general da la cuppa mundiala tar las dunnas resta tut tuttina. Tant Lara Gut sco era Lindsey Vonn èn crudadas ora gia en l'emprima runda, Vonn ha pers ses duel cunter la futura victura da la cursa Wendy Holdener.

Tar ils umens ha gudagnà l'Austriac Marcel Hirscher avant l'indigen André Myhrer.

RR novitads 20:00