Siglir tar il cuntegn
Inhalt

Naziunal/Internaziunal Emprima cursa da la cuppa mundiala – emprima victoria

Il pilot da bob Clemens Bracher e ses stuschader Michael Kuonen han gudagnà l'emprima cursa da la cuppa mundiala a Winterberg. E quai malgrà ch'i era lur emprima cursa da cuppa mundiala en il bob dubel.

Clemens Bracher e Michael Kuonen.
Legenda: Ils dus bobists han motiv da surrir: Bracher è sa qualifitgà per Pyeonchang. Keystone

En l'emprim percurs avevan Bracher e Kuonen cuntanschì la terza plazza. En il segund percurs èn els sa meglierà sin l'emprima plazza.

Bracher aveva gia cumprovà sia buna furma cun dus success en la cuppa europeica. Dentant èsi pir stà sia segunda participaziun ad ina cuppa mundiala en il bob dubel. En l'emprima aveva el cuntanschì la 12avla plazza. Buna figura han ils dus bobists cunzunt fatg tar il start – là èn els stads svelts.

Dus bobs svizzers a Pyeonchang

La victoria munta la qualificaziun olimpica per Bracher. Dus bobs svizzers vegnan damai ad esser a Pyeonchang. Per Beat Hefti, che ha artà la medaglia d'aur da Sotchi dad Alexander Subkow èn las schanzas per il gieus olimpics dentant fitg pitschnas.

Betg mo success per ils Svizzers

Ina trumpada hai dà per il segund pilot svizzer. Rico Peter cun ses stuschader Simon Friedli han manchentà per l'emprima giada en questa stagiun ils top 10 ed èn vegnids 14avels.

RR novitads 16:00