Breel Embolo (18) è stà il glindesdi saira il star a la SFL Award Night a Lucerna. El ha gudagnà sper ils titels da meglier giugader e giugader pli popular anc ina plazza en il Dream Team da la Super League.
Embolo - perseverant era tar ils premis
Anc pli remartgabel: gia avant in onn ha Embolo pudì conquistar il titel dal pli popular giugader e dal youngster da l'onn. Schurnalists da sport ensemen cun il chapitanis ed ils trenaders da la Super League han participà a'l gremi da votar da la Swiss Football League SFL. Per els aveva Breel Embolo mussà l'onn da ballape passà la meglira prestaziun totala - meglra che quella da Munas Dabbur e Kim Källström dals Grashoppers, ch'eran era nominads.
FCB e Grasshoppers - concurrents sin pastget e tarpet cotschen
Sco en la mastranza actuala da la Super League sa duellavan ils dus clubs Basel e Grasshoppers era per ils premis a la saira da distincziuns a Lucerna. Tar il FCB è Embolo i cun tut las trofeas sezza. Uschia èn vegnids undrads tranter auters Pier-Luigi Tami sco meglier trenader da l'onn è Munas Dabbus per il pli bel gol da l'onn 2015 tar in gieu cunter Sion.
RR novitads 06:00