Siglir tar il cuntegn
cuntegn

Naziunal/Internaziunal Elisa Gasparin surprendentamain en top 10

Elisa Gasparin ha persvadì al sprint sur 7,5 kilometers da la cuppa mundiala da biatlon ad Antholz en l'Italia. Ella è vegnida 8avla.

Gasparin en posiziun da sez.
Legenda: Elisa Gasparin durant il sprint ad Oberhof en Germania entschatta schaner 2018 (maletg d'archiv). Keystone

La mesauna da las soras ha dumagnà la cursa senza runda da chasti. Il plaz 8 è fin ussa ses meglier resultat da la cuppa mundiala. La qualificaziun per olimpiada aveva Elisa Gasparin gia cuntanschì avant questa cursa.

Gudagnà il sprint ha la Norvegiaisa Tiril Eckhoff. Segunda e la Tudestga Laura Dahlmeier. Cumplettà il podest ha Veronika Vitkova da la Tschechia.

Las ulteriuras Svizras

  • 39. Selina Gasparin 1:52,5 (trais rundas da chasti).
  • 54. Lena Häcki 2:10,4 (trais rundas da chasti).
  • 57. Irene Cadurisch 2:19,2 (duas rundas da chasti)

RR novitads 16:00