Siglir tar il cuntegn
cuntegn

Naziunal/Internaziunal Elena Könz: Il snowboard resta punct central malgrà la retratga

La snowboardista grischuna terminescha sia carriera. L'aissa resta dentant impurtanta en sia vita.

Elena Könz en acziun durant ils gieus olimpics a Pyoengchang.
Legenda: Elena Könz en acziun durant ils gieus olimpics a Pyoengchang. Keystone

La fin da la carriera professiunala na munta per Elena Könz betg la fin cun il snowboard. Ella vul investir vinavant bler temp per il sport dad aissa, ma betg pli sa participar a concurrenzas. L'Engiadinaisa vul sa focussar pli fitg sin projects da film e fotografia.

La spezialista da freestyle è stada activa ils ultims 14 onns. Uss en la vegliadetgna da 30 onns sa retira Elena Könz dal sport da prestaziun.

Pli grond success il 2015

Ses pli grond success ha Elena Könz pudì festivar l'onn 2015. Lura è ella daventada campiunessa mundiala en il Big Air. Als gieus olimpics a Pyeongchang en la Corea dal Sid avant paucs mais aveva Elena Könz cuntanschì il 10avel plaz dal slopestyle. Era tar ils gieus olimpics a Sotschi è Könz stada da la partida.

Marella dals 07.12.2014

Marella dals 07.12.2014

Elena Könz, oriunda da Vnà, è ina da las meglras snowboardistas da la Svizra en la sparta Slopestyle.

RR Sportissimo 17:00