Siglir tar il cuntegn

Header

jürg stahl.
Legenda: Keystone
cuntegn

Elecziuns vitualas Jürg Stahl resta president da Swiss Olympic

Jürg Stahl resta per ulteriurs 4 onns president da Swiss Olympic. Delegadas e delegads dal comité olimpic svizzer han elegì el en lur radunanza virtuala.

Jürg Stahl è dapi il 2016 president da Swiss Olympic. Il Turitgais da 52 onns ed anteriur gimnast artistic ch'è er stà 20 onns per la PPS en il Cussegl naziunal, è stà l'unic candidat per il post. El è vegnì elegì cun 427 vuschs e set abstenziuns. Avant sia elecziun sco president, è Stahl gia stà otg onns en il cussegl executiv da Swiss Olympic.

Vitiers han las delegadas ed ils delegads er gì d'eleger il comité executiv da Swiss Olympic. En il gremi da 18 persunas èn da nov commembers Nora Willi, Sergei Aschwanden e Matthias Kyburz. In ultim mandat resta vacant suenter ch'i ha dà problems cun la dumbraziun.

A la radunanza è er vegnì orientà ch'il sport svizzer survegn en total 46 milliuns francs da las duas societads da lotteria Swisslos e Loterie Romand.

RTR novitads 06:00

Artitgels legids il pli savens

Scrollar a sanestra Scrollar a dretga