Siglir tar il cuntegn
Inhalt

Naziunal/Internaziunal Eclat tar EHC Bienna: McNamara è vegnì relaschà

Tar il club da hockey da Bienna hai dà in eclat. Il trenader Mike McNamara n'è immediatamain betg pli il trenader dal EHC Bienna. Uschia ha il club da hockey communitgà sin sia pagina d'internet.

Mike McNamara sbragia en il stadiun.
Legenda: Il Canadais da 68 onns, Mike McNamara, n'è betg pli trenader dal EHC Bienna. Keystone

Sonda en damaun haja il cussegl d'administraziun decis da sa sparter dal schef-coach Mike McNamara. Sco motiv numna il club ils schlets resultats dal club da l'ultim temp. Ad interim surprendia il schef da sport Martin Steinegger l'equipa. McNamara restia vinavant tal ECH Bienna, dentant en nova funcziun tar ils juniors.

Schlets resultats

Dals davos quatter gieus da liga ha il EHC Bienna be gudagnà in ed è ruschnà sin plaz 7 da la tabella. Venderdi saira ha Bienna pers encunter Kloten, l'ultim en la tabella, 0:3.

RR novitads 14:00