Siglir tar il cuntegn

Header

cuntegn

Naziunal/Internaziunal Dunnas dal FCZ segireschan 12avel titel

Las dunnas dal club da ballape da Turitg gudognan il final dal cup svizzer. Cunter l’equipa schaffusiana da Neunkirch gudognan las dunnas turitgaisas il final cun 2:0. Igl è la 12avla giada che las dunnas dal FC Turitg gudognan il cup svizzer.

Las dunnas favurisadas dal FC Turitg gudognan il cup svizzer - per la quarta giada aifer ils ultims tschintg onns e per la 12avla giada en tut. Ellas han battì las dunnas da Schaffusa da Neunkirch cun 2:0.

audio
Seraina Friedli suenter il 12avel titel dal FCZ
ord RTR Audio dals 16.05.2016.
laschar ir. Durada: 3 minutas 13 Secundas.

Las Turitgaisas han stuì cumbatter pli fitg ch’en ils ultims dus gieus dal final, en ils quals ellas avevan mintgamai declassà Basilea cun 5:0. In sajet plazzà da Barla Deplazes en il chantun da la latta suenter la pausa ha preparà il success per las favuritas.

En tut è il gieu stà egualisà, l’outsider Neunkirch ha schizunt gì dapli cumpart. Bun in quart ura avant la fin ha Sandrina Maurun lura fixà il resultat final da 2:0 cun in sajet a distanza.

RR novitads 16:00

Artitgels legids il pli savens