Siglir tar il cuntegn

Naziunal/Internaziunal Duas victorias svizras

En la Champions Hockey League da questa saira han ils dus clubs svizzers SCB e HCL gì success.

Il giugader da hockey Dario Bürgler
Legenda: Dario Bürgler ha sajettà il davos gol da la partida. Keystone

Il campiun svizzer, il SC Berna ha gudagnà ordaifer cunter il club austriac, ils Black Wings da Linz cun 3:1. Per Berna èsi gia la segunda victoria suenter quella d’avant dus dis a Kosice.

Il HC Lugano ha gudagnà, medemamain ordaifer cunter ils Tudestgs dad Adler Mannheim cun 3:2. Ils Tessinais han gì ina nauscha partenza. Gia suenter 5 minutas manava Mannheim cun 2:0.

En il segund terz han Patrick Zackrisson e Ryan Gardner egualià. En la 50avla minuta ha Dario Bürgler sajettà il gol da la victoria.

RR novitads 22.00