Siglir tar il cuntegn
Inhalt

Naziunal/Internaziunal Duas Svizras sin il podest

Tar il City Event ad Oslo cuntanscha la skiunza Wendy Holdener il segund plaz, Mélanie Meillard sa ranghescha sin il terz plaz. Gudagnà la cursa han André Myhrer e Mikaela Shiffrin.

Wendy Holdener.
Legenda: Segund plaz per la skiunza Svizra Wendy Holdener. Keystone

Il podest da las dunnas

  • Mikaela Shiffrin
  • Wendy Holdener
  • Melanie Mellaird

Meglra prestaziun per Mellaird

Tar las cursas dal slalom parallel en la citad dad Oslo vegn la skiunza Svizra Wendy Holdener segunda. Cun ina distanza da 17 tschientavels sa ranghescha ella davos la skiunza americana Mikaela Shiffrin. Era il terz plaz segl podest occupa ina Svizra: Melanie Mellaird. Per la giuvna da 19 onns e quai sia meglra prestaziun en la cuppa mundiala.

Il podest dals umens

  • Andre Myhrer
  • Michael Matt
  • Linus Strasser

Nagin podest per ils umens svizzers

Tar ils umens gudogna il Svedais Andre Myhrer avant l'Austriac Michael Matt ed il Tudestg Linus Strasser. Luca Aerni e Daniel Yule han pers en il quart final ed han uschia cuntanschì il tschintgavel plaz.

RR novitads 18:00