Siglir tar il cuntegn

Header

cuntegn

Naziunal/Internaziunal Duas cleras victorias en la Super League

En la 5avla runda da la Super League datti ina clera victoria per il FC Basilea cunter Lugano, ed ils Young Boys declasseschan Losanna.

Suenter ina zaia emprima mesadad manava il FCB cun 1:0, grazia ad in gol da Marek Suchy en la 45avla minuta. Lura ha Basilea mussà dapli e la finala gudagnà cun 4:1, tras trais gols aifer 12 minutas da Renato Steffen, Seydou Dumbia e Michael Lang. Il gol d’onur per Lugano ha Lorenzo Rosetti sajettà.

YB senza remischun

En il segund gieu da la sonda battan ils Young Boys Losanna aut cun 7:2. L’emprim gol sajetta YB gia en la segunda minuta. E cura che Losanna vegn da sajettar ses emprim gol en la 39avla minuta, na perdan ils Bernais betg il fil e domineschan era la segunda mesadad.

Il FCB ha gia 15 puncts

En la tabella è il FCB cun il maximum da puncts a la testa, ils Young Boys sco segunds han gia in retard da 6 puncts.

RR novitads 06:00

Artitgels legids il pli savens