Siglir tar il cuntegn
cuntegn

Naziunal/Internaziunal Dressen engola la show a Beat Feuz

Thomas Dressen da la Germania gudogna la cursa rapida a Kitzbühel. Il svizzer Beat Feuz è segund. Cumplettà il podest ha l'austriac Hannes Reichelt. Durant la cursa è la vista vegnida meglra. Da quai ha il victur tudestg Dressen ch'è partì cun il numer 19 pudì profitar.

Thomas Dressen cun ils mauns ad aut.
Legenda: Thomas Dressen sa legra zunt fitg a l'arrivada. Keystone

Feuz ha tschiffà in start perfetg da la cursa rapida Streif cun il numer da partenza 7. Suenter l'emprim temp intermediar è Feuz stà 26 tschientavels pli spert che Reichelt. Cunzunt en il davos tschancun ha Feuz puspè pudì augmentà ses avantatg. A l'arrivada surpiglia Feuz la testa cun in avantatg da 21 tschientavels avant l'austriac Reichelt.

Il podest

  • 1.Thomas Dressen 1:56,15
  • 2. Beat Feuz + 0,20
  • 3. Hannes Reichelt + 0,41

Marc Gisin

Gisin ha mussà ina buna prestaziun cun il numer da partenza 25. Tar il temp intermediar è el schizunt stà per 5 tschientavels pli spert che Dressen. Avant la traversa n'ha el dentant gì memia pauc tempo. La fin hai tanschì per in grondius 5avel plaz intermediar.

Ils skiunzs svizzers

  • 5. Marc Gisin
  • 14. Mauro Caviezel
  • 26. Gilles Roulin
  • 29. Patrick Küng
  • 35. Nils Mani
  • 39. Urs Kryenbühl
  • 40. Gian Luca Barandun
  • 43. Ralph Weber

Betg mo per ils skiunz è la partenza Hahnenkamm a Kitzbühel in impurtant punct en l’agenda. Er blers fans sa mettan da viadi a Kitzbühel per sustegnair ils sportists. Tar quels tutga era Mario Dietrich da Panaduz: Gia per la 24avla giada è el avant lieu.

RR novitads 14:00

Hahnenkamm – Crest dal tgiet