Il Franzos Valentin Giraud Moine era fin uss anc mai classà en ils top 10 en ina cursa da la cuppa mundiala.
Ord vista svizra ha Beat Feuz procurà per in ulteriur bun resultat. Feuz vegn 5avel a Kvitfjell e manchenta be per 12 tschientavels il podest. Secund meglier Svizzer è Carlo Janka sin plazza 13.
Il cumbat per la culla da disciplina è anc avert e vegn pir decidì en l'ultima cursa rapida, al final a San Murezzan, mesemna 16-03-2016. 5 atlets cumbattan anc per la culla da disciplina. Qua il stan suenter 10 dad 11 cursas:
- Aksel Lund Svindal (NOR) e Peter Fill (ITA) 436 puncts
- Dominik Paris (ITA) 432
- Kjetil Jansrud (NOR) 382
- Adrien Théaux (FRA) 370
RR novitads 14:00