Siglir tar il cuntegn
cuntegn

Naziunal/Internaziunal Djokovic spera sin megliers temps

Trais emnas avant il cumenzament dal French Open a Paris sa separa il star da tennis da ses entir team.

Novak Djokovic tegna ils mauns davant il mintun sco da far uraziun.
Legenda: Novak Djokovic spera sin megliers temps. Keystone

Gia la fin da l'onn passà aveva Djokovic terminà la collavuraziun cun l'anteriur giugader da tennis tudestg Boris Becker. Ussa na vul el er betg pli far diever dals servetschs da ses coach Marian Vajda, dal trenader da fitness Gebhard Phil Gritsch e dal fisioterapeut Miljan Amanovic.

Betg ina decisiun simpla

I na saja betg stà ina decisiun simpla, scriva Djokovic sin sia pagina d'internet. Tuts hajan dentant gì il sentiment ch'ina midada faschessi bain. El veglia puspè auzar il nivel da ses gieu. L'ultim onn n'ha Djokovic betg pli cuntanschì sia cumplaina capacitad da prestaziun. Ad interim na vul el anc betg sa decider per in nov trenader. El sa laschia temp cun questa decisiun.
Marian Vajda è stà durant 11 onns il trenader da Novak Djokovic.

RR novitads 14:00