Siglir tar il cuntegn
cuntegn

Naziunal/Internaziunal Djokovic gudogna la 4. giada ils «World Tour Finals», en seria...

Sco ils ultims 3 onns - èsi era questa giada il serb Novak Djokovic che gudogna il final dals «World Tour finals» dal tennis. A Londra ha el gudagnà cunter Roger Federer cun 6:3 e 6:4.

djokovic victorius
Legenda: Novak Djokovic n'ha betg laschà bleras schanzas a Roger Federer. Keystone

Roger Federer n'ha betg chattà il recept cunter Djokovic, il nummer 1 dal mund. Quai malgrà che Federer aveva gudagnà cunter Djokovic en la prerunda.

federer en posa pensiva
Legenda: Nagin recept hai dà per Roger Federer: Suenter 80 minutas èsi stà a fin. Keystone

En mo 2 sets suenter 80 minutas ha Djokovic realisà la victoria cun la segunda balla da match. Per Djokovic è quai la 5avla giada ch'el gudogna ils «World Tour Finals» a Londra - la quarta giada en seria. El è uschia mo anc 1 victoria davos Roger Federer ch'ha fin ussa pudì gudagnar 6 giadas il turnier.

RR novitads 21:00