Siglir tar il cuntegn

Header

cuntegn

Naziunal/Internaziunal Djokovic è prim mezfinalist a Londra

Novak Djokovic ha fatg l’emprim pass: Sco emprim giugader ha el cuntanschì il mezfinal dal turnier ATP a Londra. Il Serb ha mussà tennis sin aut nivel cunter Milos Raonic. Uss sto Andy Murray dar gas en il cumbat per la victoria.

Sco emprim giugader ha Novak Djokovic cuntanschì ils mezfinals als finals da tennis ATP a Londra. Il Serb da 29 onns ha era gudagnà sia segunda partida da gruppa e battì il Canadais Milos Raonic cun 7:6 e 7:6.

La victoria en 2 uras e 14 minutas ha plinavant purtà a Djokovic la schanza da stgatschar Andy Murray da la testa. Murray frunta la mesemna en ses segund gieu sin il Giapunais Kei Nishikori.

Milos Raonic frunta la gievgia sin l'Austriac Dominic Thiem. Il victur da quest duel suonda lura Djokovic en ils mezfinals.

RR novitads 06:00

Artitgels legids il pli savens