Siglir tar il cuntegn

Header

cuntegn

Naziunal/Internaziunal Ditg giu quarta etappa dal Tour de Ski

Ils ferms vents han sfurzà ils organisaturs da dir giu la quarta etappa dal Tour de Ski ad Oberstdorf. Planisà era ina concurrenza da sprint.

Pervia dals ferms vents han ins stuì interrumper la quarta etappa dal Tour de Ski ad Obersdorf. Sco quai ch'ils organisaturs communitgeschan, na fiss la segirezza dals atlets tar il sprint classic ad Oberstdorf betg stada garantida. Quai è l'emprima giada en l'istorgia dal Tour de Ski ch'ina cursa ha stuì vegnir ditga giu durant d'ina seria da cumbats.

Cuntinuà vegn il Tour de Ski la gievgia ad Oberstdorf cun ina cursa da skating cun partenza da massa.

Meglras schanzas per Cologna

Las schanzas dal passlunghist svizzer Dario Cologna s'augmentan cun quella decisiun. Il Jauer, ch'è il mument il favurit, è cumpareglià cun ses emprim persequitader Sergej Ustjugow bler pli flaivel en sprint.

I na fiss uschia betg stà nunspetgà sche Cologna avess stuì dar sia rolla da favurit suenter la cursa da sprint.

RR novitads 14:00

Artitgels legids il pli savens