Siglir tar il cuntegn
cuntegn

Naziunal/Internaziunal Distincziun d'onur per Nino Schurter

Il campiun olimpic e mundial da mountainbike è vegnì onurà cun il Swiss Cycling Award, il titel per il meglier ciclist svizzer da l’onn 2016.

Purtret da Nino Schurter cun la medaglia d'aur dals gieus olimpics 2016.
Legenda: Nino Schurter è campiun olimpic e campiun mundial. Keystone

Schurter ha survegnì il premi a chaschun d’ina saira da gala a Turitg. L’elecziun è vegnida fatga mez e mez cun las vuschs da schurnalists da sport e cun ils resultats d’in «online-voting». Suenter ils onns 2012 e 2013 èsi gia la terza giada che Nino Schurter da Tersnaus ha gudagnà il Swiss Cycling Award. Victura da las dunnas è la campiunessa d’Europa da mountainbike Jolanda Neff.

Purtret da Vital Albin durant ina cursa.
Legenda: Vital Albin vegn onurà per il titel da campiun d'Europa. MAD

Sper Nino Schurter ch’è oriund da Tersnaus en Lumnezia è anc in segund ciclist dal medem vitg vegnì onurà: Vital Albin è vegnì onurà per il titel da campiun d’Europa cun l’equipa da mountainbike.

Il campiun olimpic en la cursa encunter l’ura Fabian Cancellara ch’è sa retratg da curt è vegnì undrà per sia gronda carriera.

RR novitads 23:00