Swiss-Ski vul sa cunvegnir cun il comité d’organisaziun per ch'i dettia er en l'avegnir las cursas dal Lauberhorn a Wengen. Il president da la federaziun da skis Urs Lehmann ha preschentà a las medias in plan da trais puncts. Per l’ina stoppian ins vender pli professiunal l'occurrenza gronda. Il segund punct è ina garanzia da deficit da 500'000 francs. Tenor Lehmann indispensabel.
Sch'ils emprims dus puncts sajan ademplids ed i dess tuttina ina giada ina stretga finanziala pervi d' ina cursa annullada, lura veglia Swiss Ski – sco terz punct – gidar cun radund 100'000 francs.