Siglir tar il cuntegn
Inhalt

Naziunal/Internaziunal Dira nusch per ils Young Boys

Per astgar cumbatter la proxima stagiun en la Champions League sto YB eliminar en la qualificaziun l’equipa da Dynamo Kiev, in grond obstachel.

YB, Young Boys
Legenda: YB vul finalmain ina gia realisar il siemi d’astgar dar en la Champions League. Keystone

Ils Young Boys han uschia survegnì en questa terza e davosa runda da qualificaziun per la Champions League il pli grev adversari pussibel tenor palpiri. Adversaris pussibels fissan er stads Ajax Amsterdam, Viktoria Pilsen, ZSKA Moscau ed il FC Brügge. Da quest quintet posseda Dynamo Kiev dentant il pli aut coeffizient. Il davos campiunadi en l’Ucraina ha l’equipa da Kiev terminà sin il segund plaz davos Schachtar Donezk.

YB, il numer da la Super League dat ils 25/26 da fanadur l’emprim ordaifer encunter Dynamo Kiev ch’è gia vegnì 15 giadas campiun ucranais. Il gieu da return en il Stade de Suisse a Berna è lura l’entschatta avust. YB e Dynamo Kiev n’han anc mai giugà in encunter l’auter.

Thun ha mussà coi va

Perencunter ha il FC Thun bunas regurdientschas vid Dynamo Kiev. Sin via en la Champions League ha l’equipa Bernaisa giu battì il 2005 l’equipa da l’Ucraina en la segunda runda da qualificaziun cun il resultat total da 3:2. YB perencunter ha en quatter emprovas anc mai pudì sa qualifitgar per la Champions League.

RR novitads 14:00