Siglir tar il cuntegn

Header

cuntegn

Naziunal/Internaziunal Diagonela finalmain sin traject original

Per l’emprima giada insumma ha la cursa da passlung «La Diagonela» lieu sin il tschancun original da 65 kilometers. Uschia passa la cursa en il stil classic en l’Engiadina Ota per l’emprima giada era San Murezzan.

Igl è gia la tschintgavla ediziun da la Diagonela, be igl è l'emprima gida ch'ins sa far la cursa en il stil classic sin il tschancun original da 65 kilometers sco el fiss stà previs da la l'entschatta nà.

Partenza Zuoz - arrivada San Murezzan

Grazia a las naviglias da quest enviern maina la cursa cun partenza a Zuoz uss pia da l'Engiadina Aulta siador fin a San Murezzan, lu sur il Lai da Staz a Puntraschigna ed enavos en il center istoric da Zuoz. La Diagonela è ina cursa che fa part da la seria internaziunala Ski Classics. Ella vegn transmessa live a la televisiun, oravant ttut en ils pajais da la Scandinavia. Ina buna part dals bun 1'000 participants deriva lura era da là.

Era Curdin Perl a la partenza

In aspect sportiv interessant è la participaziun dal matadur local Curdin Perl, che sa mesira tranter auter cun il victur da l'onn passà, il russ Ilja Chernoussov, l'um da la biatleta Selina Gasparin.

RR actualitads 12:00

Artitgels legids il pli savens