Siglir tar il cuntegn
Inhalt

Naziunal/Internaziunal Debut grategià per nov trenader da Son Gagl

L'FC Son Gagl ha pudì festivar ina victoria da 1:0 cunter l'FC Thun. Igl è stà il debut dal nov trenader Joe Zinnbauer. La fasa finala è stada turbulenta. Pir en l'86avla minuta ha il defensur Roy Gelmi pudì sajettar il sulet gol dal gieu.

dus ballapedist cun chautschas verdas e t-shirt alv sa legran da lur gol
Legenda: Martin Angha (san.) sa legra cun Roy Gelmi che ha gist sajettà il gol decisiv. Keystone

Be curt avant ha il goli da Son Gagl, Daniel Lopar, anc tegnì in penalti da Gianluca Frontino. Grazia a questa victoria ha l'FC Son Gagl ussa 10 puncts entant che Thun resta sin 7 puncts, a la cua da la tabella.

En il segund gieu da la Super League han Lugano e l'FCZ giugà pari 0:0.

RR novitads 06:00