Siglir tar il cuntegn
Inhalt

Naziunal/Internaziunal Dario Cologna: partì sco 12avel ed arrivà sco 8avel

En la cursa da persecuziun stil classic a Toblach è Dario Cologna vegnì en ils top diesch. Il Jauer era partì sco 12avel cun in retard da 46 secundas.

Dario Cologna.
Legenda: El è partì sco 12avel ed è arrivà sco 8avel. Keystone

La medaglia d'aur è ida a la Norvegia. Johannes Klaebo ha gudagnà la cursa da persecuziun sur 15 kilometers en las Dolomitas.

Cun ina distanza dad 11,8 secundas è il manader da team Dario Cologna sa rangà sin l'otgavel plaz. El è partì sco 12avel cun in retard da 46 secundas. Il Sursilvan Toni Livers, ch'ha la sonda gudagnà ses bigliet per ils gieus olimpics, è sa rangà sin il 17avel plaz. Il terz meglier resultat per la Svizra ha Jonas Baumann cuntanschì – sco 24avel. Curdin Perl è daventà 60avel.

RR novitads 15:00