Sin il victur, il Norvegiais Martin Johnsrud Sundby ha Dario Cologna pers ina minuta e 21 secundas. Sin il podest èn dus Norvegiais - Martin Johnsrud Sundby ha gudagnà 13 secundas avant Anders Löersen. Terz è vegnì il Finlandais Matti Heikkinen.
Ils resultats dals ulteriurs Svizzers: Toni Livers è vegnì 17avel. Curdin Perl n'è betg partì pervi da malsogna.
Cursa da las dunnas
Tar las dunnas ha la svizra Nathalie von Siebenthal mussà ina buna cursa. Ella è vegnida 6avla a Tavau. Quai è il meglier resultat da sia carriera. La Bernaisa è partida sc'in paliet en la cursa sur 15 kilometers stil liber. Suenter 10 kilometers era ella schizunt sin posiziun 4. Gudagnà han er qua duas Norvegiaisas: Ingvild Flugstad Östberg è vegnida en l'arrivada 7,9 secundas pli spert che Heidi Weng. Terza è la Finlandaisa Krista Pärmäkoski cun in retard da 16,7 secundas.
RR novitads 17:00