Siglir tar il cuntegn
Inhalt

Naziunal/Internaziunal Dario Cologna desista da cursas da la cuppa mundiala

Il passlungist jauer, Dario Cologna desista da las cursas da la cuppa mundiala da las proximas duas fins d'emna a Lahti en Finnlanda e Falun en Svezia. El ha anc adina problems cun la musculatura dal ventrigl.

Il passlunghist Dario Cologna sa pusa sin ses bastun da skis
Legenda: Manchenta cursas a Lahti e Falun: Dario Cologna ha problems cun la musculatura dal ventrigl. Keystone

Da ses comeback sonda passada ad Oslo aveva Cologna stuì capitular anc avant la mesadad da la cursa da 50 kilometers. Glindesdi ha Cologna laschà far in ulteriur MRI a Tavau. Sia stratga è guarida, ma la musculatura è anc adina memia flaivla per cumbats. Cura che Cologna fa puspè cursas vegn decidì suenter in trenament da duas emnas.