Siglir tar il cuntegn

Header

cuntegn

Naziunal/Internaziunal Dario Cologna be 13avel al minitour a Kuusamo

Dario Cologna ha manchentà in top resultat al minitour da passlung a Kuusamo en la Finlanda. Il passlunghist grischun è bain partì sco 5avel en l’ultima cursa, ina cursa skating sur 10 kilometers, è dentant crudà enavos en la 5avla runda ed è uschia be vegnì 13avel dal classament general.

Pli probabel n’ha il ski da klister betg funcziunà uschè bain, pertge tut ils Svizzers han pers temps en questa ultima cursa a Kuusamo. Curdin Perl è vegnì la fin finala 38avel e Jonas Baumann 40avel.

Sundby avant Northug

Gudagna il minitour ha il Norvegiais Martin Johnsrud Sundby avant ses collegas da squadra Petter Northug e Finn Hagen Krogh. Uschia han ils dus gronds adversaris da Dario Cologna en il classament general gia in grond avantatg envers il Grischun.

Cologna gia en la defensiva

Cun ses 13avel plaz en il classament general dal minitour, survegn Cologna be 40 ulteriurs puncts en il classament general. Sundby dentant 200 e Northug 160. Uschia che Dario Cologna che vul gudagnar per la quarta giada il classament general è gia en la defensiva.

RR novitads 14:00

Artitgels legids il pli savens