Siglir tar il cuntegn

Header

cuntegn

Naziunal/Internaziunal Dario Cologna banduna definitiv il Tour de Ski

Dario Cologna na po definitiv betg ir a la partenza da l'ultima etappa dal Tour de Ski da dumengia. Quai ha confermà il team da Cologna.

En la penultima etappa dal Tour de Ski da la sonda era Dario Cologna - ensemen cun il victur Martin Johnsrud Sundby - anc a la testa suenter 10 km. Lura ha la ferida musculara en il ventrigl sanester franà el. El ha stuì continuar la cursa cun stauschs dubels ed è daventà 40avel.

audio
Mezdi: Dario Cologna davart la fin anticipada dal Tour de Ski per el
ord Sportissimo dals 10.01.2016.
laschar ir. Durada: 3 minutas 47 Secundas.

Entant conferma il team enturn Dario Cologna che la blessura na lubescha betg a Cologna da concluder il Tour de Ski cun il final da dumengia cun l'ascensiun a l'Alpe Cermis. Quant ditg che Cologna sto far pausa n'è anc betg cler. En mintga cass turna el immediat a Tavau per laschar examinar exact la blessura.

RR novitadas 17:00

Artitgels legids il pli savens